Annette Schavan (10 de xunu de 1955, Jüchen) ye una política alemana de la Unión Demócrata Cristiana d'Alemaña (CDU).
Dende 2005 hasta 2013 foi Ministra Federal pa Educación ya Investigación y foi Ministra de Cultura, Mocedá y Deporte de Baden-Wurtemberg ente 1995 y 2005.
En 2008 foi criticada pol usu d'un helicópteru del Bundeswehr (Exércitu Alemán) en mayu pa llegar a tiempu a una serie de cites en Zúrich, ente elles una entrevista con un periódicu y un discursu. El trayeutu dende Stuttgart a dicha ciudá ye de 146 quilómetros. Los costos xubieron a 26 500 euros, una y bones l'helicópteru con una tripulación de trés persones voló espresamente dende Berlín. Asina l'aparatu percorrió alredor de 1330 quilómetros, incluyendo'l regresu a Berlín.[4] El 9 de febreru de 2013 viose obligada a dimitir como Ministra d'Educación y Ciencia d'Alemaña, una y bones les autoridaes universitaries consideraron probáu'l plaxu cometíu por Schavan: nel testu de la so tesis doctoral incluyó un trabayu intelectual que nun yera so.
© MMXXIII Rich X Search. We shall prevail. All rights reserved. Rich X Search